Ozwöi isch es CD-Projekt, wo het welle e Band wärde, aber när es Projekt isch blibe. Üses Aalige isch, dass der Worship wider viu meh zu däm wird, won er söu sy: Es Lobopfer für Jesus Chrischtus u nid eifach e kuhli Party oder öppis, wo's in erster Linie um üs geit. Ar CD hei Musiker us verschidenschte Gmeinde mitgschaffet. Es fägt mega, so übergmeindlech Beziehige z'läbe u mitenang ungerwägs z'sy. Mir wüsse üsy ungerschidleche Prägige z'schetze u hei eis gmeinsams Ziel: Jesus geng necher z'cho u syni Gnadebotschaft wyter z'gä. Mir fröie üs mega a däm, wo mer scho mit Gott hei dörffe erläbe u sy gspannt, wohäre Är üs no wird füehre.